Segundo MANDADIÑO DE ENTROIDO 2012

O primeiro mandadiño foi un éxito. Grazas.

O segundo mandadiño é  para O MARTES 14

"ANIMAL SERÁS

SE NESTE BOSQUE ESTÁS"

Primeiro MANDADIÑO DE ENTROIDO 2012

Estamos en tempo de Entroido e este é o  primeiro dos catro mandadiños que temos previsto para os catro primeiros días da vindeira semana.

Coma sempre a vosa colaboración será imprescindible.

Para O LUNS 13

  " ESCOLLAS O QUE ESCOLLAS,

TEN QUE LEVAR FOLLAS"

HOXE RECIBIMOS A VISITA DE PROFESORES UNIVERSITARIOS

    

     No día de hoxe, recibimos a visita de nove profesores/as, pertencentes á Facultade de Ciencias da Educación da Universidade de A Coruña, interesados en achegarse á nosa realidade  educativa e en coñecer  persoalmente a nosa práctica docente cotiá.

     En días pasados, a profesora Mª Cristina Naya Riveiro puxérase en contacto connosco para solicitar unha visita ao noso centro dado que o coñecemento do noso labor docente espertara a seu interese e o dos seus compañeiros/as de departamento.

     Grazas a todos e a todas aqueles/as que contribuiron e contribuen a  que a nosa escola saia das súas fronteiras xeográficas.

UN DIA DE FESTA

A xornada de portas abertas foi unha festa para os mais pequenos.
Foi, ademais,  un día de agradables reencontros.
Cunha comunidade educativa comprometida, o traballo cotiá foise mais levadeiro.
Grazas a todos e a todas pola vosa presenza.
Parabéns!!!

XORNADA DE PORTAS ABERTAS

           O martes, día 22 de novembro, ás 17:15 h.,  celebraremos unha xornada de portas abertas para dar a coñecer as novas instalacións a  todos/as aqueles/as que formaron e forman parte da comunidade educativa desta Escola (familias, alumnado, mestres/as, concello, …).

Os membros do claustro e a dirección agardamos a vosa presenza.

PROBLEMAS DEBIDOS Á AUGA

Os problemas que obrigaron a cortar a auga  en todo o centro quedarán solucionados ao longo da tarde do venres.
O luns a actividade docente desenvolverase con normalidade.
Esperamos e desexamos que non xurdan novos problemas.
Grazas pola súa colaboración.

TRASLADAMONOS AO NOVO EDIFICIO

Os días 14, 17,18 e 19 de outubro levaranse a cabo os traballos precisos para trasladar a escola dende os módulos ata o novo edificio.
O xoves día 20 de outubro estrearemos escola.